ဂလိုဘယ်: ချင်းမိုင်နေ့ စွဲများကိုဘာသာပြန်ခြင်း

ချင်းမိုင်ဆိုတာကြားဖူးပါသည် ဇင်းမယ်ဆိုတာကြားဖူးပါသည်။ သို့သော် ဂလိုဘယ်မရောက်ဖူး။ အခုတော့ စိုင်ကော်လို ချုံပေါ်ရောက် မဟုတ်ပါ ကံကော်လို ချင်းမိုင်ရောက်လို့  ဆိုရပေလိမ့်မည်။ ဂလိုဘယ်၏ ပြည်ပခရီးက ပထမဆုံးအကြိမ်မို့  လည်လည်ဝယ်ဝယ်မရှိလှပါ။ သို့ သော်အသစ်ဆောက်ထားသည့် နိုင်ငံတကာလေဆိပ်သစ်ကြီးကို ခပ်တည်တည်သာ ၀င်ခဲ့သည်။

အတားအဆီးများကို ဖြတ်ကျော်ပြီးသကာလ သီးသန့်ဆေးလိပ်သောက်ခန်းထဲဝင်ကာ စီးကရက်ထိုင် ဖွာရင်း ခမ်းနားလှတဲ့လေဆိပ်သစ်ကြီးကိုသာ ပီတိဖြစ်ရင်းလေယာဉ်စောင့်နေခဲ့ပါတောတယ်။ ထိုစဉ် ဆေးလိပ်သောက် ခန်းထဲ့ဝင်လာသူက ရာမ သြော်မှားလို့  ဒဿဂီရိ သချာအောင်ပြောရရင် လင်္ကာဒီပချစ်သူ၊ အရပ်ရှည်ရှည် ဆံပင်ဂုတ် ထောက်နှင့် အသားခပ်လတ်လတ် မျက်မှန်နဲ့  သူမှသူအစစ်ပါပဲ၊ မလွဲပါဘူး။ ဂလိုဘယ်သွားနှုတ်ဆက်မိပါသည်

“ဆရာ ကျွှန်တော်ဂလိုဘယ်ပါ၊ ဆရာက ဆရာချစ်ဦးညိုနဲ့ တူတယ်”။

ဆရာက “ဟုတ်ပါတယ်။ ကျွှန်တော် ချစ်ဦးညိုပါ”ဟု ပြုံးပြီးတော့နှုတ်ဆက်ပါတယ်။

“ကျွန်တော်က ဆရာ့စာဖတ်ပရိသတ်တစ်ယောက်ပါ။ ဆရာနဲ့တူလို့ လာနှုတ်ဆက်တာပါ။ ကျွန်တော် ချင်းမိုင်မှာ ကျောင်းသွားတက်မလို့ဆရာ။ တိုက်ရိုက်လေကြောင်းလိုင်းမရှိတာနဲ့ ဘန်ကောက်ကနေ တဆင့်ကားစီးပြီး သွားရမှာ။”

ဆရာက “ဒါဆို ကိုယ်နဲ့ တူတာပေါ့။ ဆရာတို့က ရသစာပေရေးတဲ့လူတွေချည်းပဲ ရွေးဖိတ်တဲ့ တောင်ကိုရီး ယားက ရသစာပေဆိုင်ရာ ဖိုရမ်တစ်ခုသွားတက်မလို့။ ဆရာရယ် ဆရာမမြနှောင်းညိုရယ် နောက်ပြီး ဆရာမ(နာမည် မေ့နေပါသည်)ရယ်သုံးယောက်ပါမယ်။ ဆရာမတွေက အပြင်မှာ စောင့်နေကြတယ်။ မောင်ရင်နဲ့ လေယာဉ် တစ်စီးတည်းပဲ။ လေယာဉ်ချိန်လည်းနီးနေပြီ ကျွှန်တော်တို့အပြင်ထွက်ကြရအောင်”ဟု ဆရာက ဦးဆောင်ခေါ်ပါသည်။

အပြင်ရောက်တော့ ဆရာမတွေနဲ့ မိတ်ဆက်ပေးပါသည်။ ဂလိုဘယ်ကလည်း အတူ ကျောင်းသွားတက်မယ့် မိတ်ဆွေကောင်မလေးကိုပါ ဆရာ၊ ဆရာမတွေနဲ့ မိတ်ဆက်ပေးပါသည်။ မောင်ရင်တို့ ဘာများ စားပြီးပြီလဲလို့ ဆရာကမေးပါသည် အမှန်အတိုင်းပြောရရင် ဂလိုဘယ်တို့ နှစ်ယောက်စလုံး ဘာဆိုဘာမှမစားရသေးကြေင်း အမှန်အတိုင်းပဲဖြေလိုက်ပါသည်။

‘‘ဟာ...ဒါဆိုအတော်ပဲ ကျွန်တော်တိုဆီမှာအိမ်ကထည့်ပေးလိုက်တဲ့ ဟမ်ဘာဂါတွေ ပါတယ်။ ကျွန်တော်တို့ စားပြီးသွားပြီ ခင်ဗျားတို့ စားကြချေ”လို့ ဆရာက ဖော်ရွေစွာ ထုတ်ကျွေးပါတော့တယ်။ အော်...ဒါ မြန်မာ့ စေတနာ မြန်မာ့လှုမှုရေး။ မုန့်စားရလို့ ဂလိုဘယ်ပြောနေတာမဟုတ်။ အပြင်ရောက်လေလေ မြန်မာတွေ ဘယ်လောက် စည်းလုံးတယ်ဆိုတာ လေဆိပ်ကတည်းက သက်သေပြလိုက်ပြီ မလုပ်ပါလောမိတ်ဆွေ..(ဆက်ပါဦးမည်)